வெரிகோஸ் வெய்ன்ஸ் சிரைப் புண்களை ஏற்படுத்தும் போது

கால்களில் உள்ள நரம்புகள் வீங்கி, முறுக்கிக் கொள்ளும் போது வெரிகோஸ் வெயின்ஸ் என்ற பொதுவான நிலை ஏற்படுகிறது. இந்நரம்புகள் பெரும்பாலும் வீங்கியது போன்ற தோற்றத்தைக் கொண்டிருக்கும், மேலும் இவை தோலின் அடியில் காணப்படும். கால்களில் உள்ள நரம்புகளில் இருக்கக்கூடிய வால்வுகள் சரியாக வேலை செய்யாதபோது, இரத்தம் பின்னோக்கி பாய்ந்து நரம்புகளில் குளம் போல் தேங்கிக் கொள்வதால், அவை விரிவடைந்து வீங்கிக் கொள்கின்றன. வெரிகோஸ் வெயின்ஸ் பொதுவாக ஒரு ஒப்பனை சிக்கலாகக் காணப்படும் அதே வேளையில், அவற்றுக்கு சிகிச்சை அளிக்கப்படாமல் விடப்படுகையில், அவை தீவிரமான ஆரோக்கிய சிக்கல்களையும் ஏற்படுத்தக் கூடும். வெரிகோஸ் வெய்ன்ஸின் அத்தகைய மிக தீவிரமான சிக்கல்களுள் ஒன்றாக இருப்பது, சிரைப் புண்கள் உருவாக்கம் ஆகும்.

சிரைப் புண்கள் என்பவை திறந்த நிலையில் இருக்கக்கூடிய புண்கள் ஆகும். கால்களில் நாள்பட்ட வீக்கம் மற்றும் மோசமான இரத்த ஓட்டம் காரணமாக தோல் மற்றும் அதன் கீழ் உள்ள திசுக்கள் உடைவதனால் பெரும்பாலும் அவை ஏற்படுகின்றன. இத்தகைய புண்கள் குணமாவதற்கு கடினமானவையாகவும், சிகிச்சை அளிக்கப்படாமல் விடப்படும் பட்சத்தில் பிற சிக்கல்களுக்கும் வழி வகுக்கக்கூடியதாகவும் இருக்கின்றன.

இத்தகைய புண்கள் பொதுவாக காலின் கீழ் பகுதியில் கணுக்காலுக்கு சற்று மேலே தோன்றுகின்றன. மேலும் இவை பல்வேறு காரணிகளால் ஏற்படக்கூடும். அவற்றுள் பின்வருவன உள்ளடக்கப்படுகின்றன:

• வயது: மக்களுக்கு வயதாகும்போது, அவர்களது நரம்புகளின் எலாஸ்டிக் தன்மை குறைந்து, அதிக அளவில் சேதமடைகின்றன. இவை சிரைப் புண்கள் உருவாவதற்கான அபாயத்தை அதிகரிக்கின்றன.
• குடும்ப வரலாறு: உங்கள் குடும்பத்தின் பிற உறுப்பினர்களுக்கு வெரிகோஸ் வெய்ன்ஸோ அல்லது சிரைப் புண்களோ இருக்கும் பட்சத்தில், உங்களுக்கும் அவை ஏற்படுவதற்கான வாய்ப்புகள் அதிகம்.
• உடல் பருமன்: அதிக உடல் எடையைக் கொண்டிருப்பது அல்லது உடல் பருமனோடு இருப்பது உங்கள் கால்களில் உள்ள நரம்புகளில் கூடுதல் அழுத்தத்தை ஏற்படுத்தும், இது வெரிகோஸ் வெய்ன்ஸ் மற்றும் சிரைப் புண்கள் உருவாவதற்கு வழிவகுக்கக்கூடும்.
• நீண்ட நேரத்திற்கு நின்று கொண்டிருத்தல் அல்லது அமர்ந்து கொண்டிருத்தல்: நீண்ட நேரத்திற்கு நின்று கொண்டும் அல்லது அமர்ந்து கொண்டும் இருப்பது, கால்களில் மோசமான இரத்த ஓட்டத்தை ஏற்படுத்துவதனால், சிரைப் புண்கள் ஏற்படுவதற்கான அபாயத்தை இது அதிகரிக்கிறது.
• கர்ப்ப காலம்: கர்ப்பமடைதல் கால்களில் உள்ள நரம்புகளில் கூடுதல் அழுத்தத்தை ஏற்படுத்துவதனால், வெரிகோஸ் வெயின்ஸ் மற்றும் சிரைப் புண்கள் உருவாவதற்கு வழி வகுக்கக்கூடும்.

ஒருவேளை உங்களுக்கு வெரிகோஸ் வெயின்ஸ் இருந்து, நீங்கள் பின்வரும் அறிகுறிகளில் ஏதேனும் ஒன்றை உணரும் பட்சத்தில், கூடியவரை விரைவாகவே ஒரு சுகாதார வழங்குநரை நீங்கள் அணுக வேண்டும்:

• கால்களில் வீக்கம்
• கால்களில் வலி அல்லது தீவிரமான வலி
• கால்களில் அரிப்பு அல்லது எரிச்சல் உணர்வு
• கால்களில் தசைப்பிடிப்பு
• பாதிக்கப்பட்ட நரம்புகளை சுற்றிலும் உள்ள தோலில் மாற்றங்கள் அல்லது நிறமாற்றம்

சிரைப் புண்களுக்கான சிகிச்சையானது, காயத்தின் தீவிரத்தன்மை மற்றும் அது ஏற்பட்டிருக்கும் அடிப்படை காரணத்தைப் பொறுத்து அமைந்திடும். வெரிகோஸ் வெயின்ஸ் கொண்ட நபர்களுக்கு சிரைப் புண்கள் ஏற்படுவதை தவிர்ப்பது, நரம்புகளில் உள்ள அடிப்படை நிலையை சரி செய்வதை உள்ளடக்குகிறது.

பெரும்பாலான சூழல்களில், சிகிச்சை பின்வரும் கலவையாக அமைகிறது:

• சுருக்கக் காலுறைகளை அணிதல்: இத்தகைய பிரத்தியேக சுருக்கக் காலுறைகள், கால்களில் இரத்த ஓட்டத்தை மேம்படுத்தி, வீக்கத்தைக் குறைக்க உதவிடும்.
• கால்களை உயர்த்தி வைத்தல்: இதயத்தின் நிலைக்கும் மேலாக கால்களை உயர்த்தி வைப்பது, வீக்கத்தைக் குறைத்து, இரத்த ஓட்டத்தை மேம்படுத்த உதவிடும்.
• காயங்களுக்கு ட்ரெஸ்ஸிங் செய்தல்: உங்களது சுகாதார வழங்குநர் காயம் குணமடைவதற்கு உதவும் வகையில், பிரத்தியேக ட்ரெஸ்ஸிங்குகளை பயன்படுத்த பரிந்துரைப்பார்.
• ஆன்ட்டிபயாட்டிக்குகள்: ஒருவேளை காயத்தில் தொற்று ஏற்பட்டிருந்தால், உங்களது சுகாதார வழங்குநர் தொற்றை சரி செய்ய உதவும் பொருட்டு ஆன்டிபயாட்டிக்குகளை பரிந்துரைக்கலாம்.
• அறுவை சிகிச்சை: சில சூழல்களில், பாதிக்கப்பட்ட நரம்புகளை நீக்கி, கால்களில் இரத்த ஓட்டத்தை மேம்படுத்த அறுவை சிகிச்சை அவசியமாக இருந்திடும்.

குணமாதல் செயல்முறையை துரிதப்படுத்தவும், எதிர்காலத்தில் மீண்டும் புண்கள் ஏற்படுவதைத் தவிர்க்கவுமான சிகிச்சைகள் கிடைக்கப்பெறுகின்றன. எனவே, உங்களுக்கு கால் வலி, வீக்கம் அல்லது குணமாகாத காயங்கள் ஏதேனும் இருப்பின், நீங்கள் ஒரு மருத்துவரை அணுக வேண்டும். இறுதியாக, முறையான சிகிச்சை மற்றும் மேலாண்மையுடன், சிரைப் புண்கள் ஏற்படுவதையும், வெரிகோஸ் வெயின்ஸினால் பிற சிக்கல்கள் உருவாகுவதையும் உங்களால் தவிர்க்க முடியும்

Varicose Veins Treatment In Hyderabad | Bengaluru |Mysore | Visakhapatnam | Vijayawada | Chennai |Coimbatore | Tirupati | Rajahmundry | Kolkata | Madurai | Kakinada | Delhi | Pune

For Appointment Call

Telangana: 9989527715

Andhra Pradesh: 9989527715

Tamilnadu: 7847045678

Karnataka: 8088837000

Kolkata: 9154089451

Delhi : 9701688544

Pune : 9701688544